Централизованная библиотечная система города Витебска

       22 жніўня супрацоўнікі бібліятэкі імя Уладзіміра Караткевіча правялі ў вулічным кінатэатры агляд «Цацкі - героі кніг і мультфільмаў». Бібліятэкар прадставіла кнігу Ірыны Лук'янавай «Гісторыя нашых цацак» у серыі «Гісторыя усіх рэчаў», якая запрашае зазірнуць у скрыню з цацкамі і адправіцца ў займальнае падарожжа ў краіну дзяцінства нашых бацькоў, бабуль і дзядуль, даведацца пра цікавыя факты з гісторыі савецкіх лялек ў простых паркалёвых сукенках і модных тады лялек з ГДР, рознакаляровых плюшавых звяроў і металічнага з дзіркамі канструктара.

          Таксама гледачам прадставілі казкі, у якіх героямі з'яўляюцца цацкі : Г.Х.Андэрсен «Устойлівы алавяны салдацік», А.Талстога «Залаты ключык, або Прыгоды Бураціны», Э.Успенскі «Прыгоды Чабурашкі». Таксама дзеці і дарослыя паглядзелі мультыплікацыйны фільм «Гісторыя цацак».