Централизованная библиотечная система города Витебска

У 2011 годзе "Народная газета" арганізавала рэспубліканскі конкурс па выбару Сямі цудаў Беларусі. Па версіі чытачоў выдання ў топ-сямёрку ўвайшлі: Белавежская пушча, крэпасць у Бабруйску, Брэсцкая крэпасць, касцёл у Будславе, Мірскі замак, возера Нарач і Сафійскі сабор у Полацку.

Бібліятэка імя Ул. Караткевіча 21 верасня арганізавала інфармацыйную гадзіну "Жамчужаны Беларусі", якая пазнаёміла чытачоў з гэтымі славутымі мясцінамі нашай краіны.

Вучні 7 "А" класа ДУА "Сярэдняя школа №11 г. Віцебска" даведаліся пра гісторыю Белавежскай пушчы і ўнікальнасць яе флоры і фауны. Аповед пра крэпасць у Бабруйску пачаўся з пачатку яе будаўніцтва, далейшае аснашчэнне, якое было зроблена па апошняму слову еўрапейскай фарціфікацыі і дазволіла гарнізону вытрымаць чатырохмесячную асаду арміі Напалеона. Карыснай была інфармацыя пра будаўніцтва і ўнутраную планіроўку Брэсцкай крэпасці, пра заключэнне ў ёй Брэсцкага мірнага дагавору і, вядома, пра яе гераічную абарону ў 1941годзе. Шмат цікавых фактаў было агучана пра архітэктурныя асаблівасці касцёла ў вёсцы Будслаў, Мірскага замка і Сафійскага сабора. А яшчэ, школьнікі адкрылі для сябе непаўторную прыгажосць азёр Нарачанскага краю, авеянага цудоўнымі легендамі і паданнямі.