Централизованная библиотечная система города Витебска

У чэрвені ў бібліятэцы імя Ул. Караткевіча два разы на тыдзень праходзілі заняткі для двух атрадаў летняга лагера "Лінгвіст" ДУА "Сярэдняя школа №34 г. Віцебска" пад агульнай назвай "Размаўляем па-нямецку".

На першым занятку "Давайце пазнаёмімся" кожны расказваў пра сябе (імя, узрост, клас навучання, імёны бацькоў, места жыхарства і г.д.), а таксама пра тое, што і каго яны любяць. У гульні "Стракатыя карткі" трэба было не толькі назваць колер карткі па-нямецку, але і адзначыць, што ёсць такога ж колеру ў аддзенні ці ў знешнім выглядзе ўдзельніка. Закончыўся ўрок фанетычнай зарадкай "Тры кітайцы з кантрабасам", якая дапамагае ў вымаўленні галосных.

На занятку "Хатнія жывёлы і дзікія звяры" падлеткі адгадвалі загадкі, расказвалі пра сваіх хатніх жывёл, паказвалі характэрныя паводзіны дзікіх звяроў і трэба было здагадацца, што гэта за звер. Урок-гульня "У краіне цудоўных канікул" пачаўся з аповеду кожнага, як ён праводзіць лета, што ў планах на будучыя два месяцы, а потым усім прысутным былі прапанаваны граматычныя і фанетычныя гульні.

Такім чынам, дзеці ў форме гульні цікава праводзілі свой вольны час і адначасова замацоўвалі пройдзены матэрыял і атрымлівалі новыя веды і па прадмету "Нямецкая мова".