Централизованная библиотечная система города Витебска

Традыцыйнае свята Дня горада, пад час якога не першы год ЦГБ імя М. Горкага сумесна з гарадскімі бібліятэкамі ажыццяўляе праект "Свята кнігі на вуліцы Пушкіна", 23 і 24 чэрвеня было прадстаўлена бібліятэчным кірмашом "Слава кніжцы беларускай" і прысвечана 500-годдзю беларускага кнігадрукавання.

Адна з пляцовак свята была адведзена беларускай кнізе "Адкрый для сябе беларускую кнігу". Госці гэтай пляцоўкі маглі праслухаць агляд навінак "Добры дзень, кніжка беларуская", стаць удзельнікамі інтэрактыўнага праекта "А як бы я ўпрыгожыў пачатковую літару кнігі".

 Вельмі карысным  і цікавым стала   знаёмства з выставай самаробных кніг "Цуд, імя якому кніга", выставай рарытэтных выданняў з фонда бібліятэкі імя М. Горкага "Кніжная мудрасць стагоддзяў" і выставай твораў пісьменнікаў віцебшчыны "Ад Скарыны да нашых дзён". 

Да ўсяго, госці кірмаша маглі пазнаёміцца з выставай –прэзентацыяй "Мосты дружбы" – краязнаўчыя выданні, падораныя бібліятэцы імя М. Горкага цэнтральнай бібліятэкай г. Белаярскі (Ханты-Мансійская аўтаномная акруга, Расія) ў межах міжнароднага праекта "Белый город – белая Русь: литературный транзит".

На пляцоўцы "Ля помніка А. Пушкіну" адбыліся выступленні віцебскіх паэтаў Т. Гусачэнка, В. Русілка, А. Крыклівец, М. Намеснікава і ўдзельнікаў паэтычных конкурсаў "Паэтычны Віцебск". 

Прайшла гульнявая праграма "Вясёлае казачнае падарожжа", якую прадставіла бібліятэка імя С. Маршака.

Школа мастацтваў імя А. Багатырова выступіла з цікавай музычнай праграмай.

На Дне горада дзейнічала краязнаўчая пляцоўка "Красуй мой Віцебск сёння і заўжды". На ёй была прадстаўлена гістарычная фотарэканструкцыя фатографа і краязнаўцы В. Барысенкава "Віцебск: ад старажытнасці да сучаснасці", выстава-агляд "Тут Радзімы маёй пачатак".

Юных жыхароў горада сустракала дзіцячая літаратурная пляцоўка "Кніжныя сакрэты сонечнага лета", дзе можна было пазнаёміцца з выставай лепшых дзіцячых кніг і часопісаў "Сонца на кніжных старонках", а таксама стаць удзельнікамі конкурсаў і віктарын.

На працягу дня "Літаратурная алея" знаёміла наведвальнікаў з выставай перыядычных выданняў "Свежая пресса от скуки и стресса", выставай друкаваных і электронных навінак "Што чытаюць у паўночнай сталіцы".

Праходзіла акцыя "Буккросінг", рэкламная акцыя "Ура! Бібліятэка!" і прэзентацыя рэкламнага праекта "Прыемнага чытання".