Централизованная библиотечная система города Витебска

  2 чэрвеня бібліятэка імя Я. Маўра запрасіла дзяцей школьнага лагера ДУА "СШ № 2 г. Віцебска" у віртуальнае падарожжа "У гасцях у Францыска Скарыны", прысвечанае 500-годдзю беларускага кнігадрукавання.

Вучні даведаліся, як стваралася кніга ў сярэднявеччы, на чым пісалі нашы продкі, як было вынайдзена кнігадрукаванне. Мультымедыйная прэзентацыя дапамагла завітаць у старажытную друкарню, дзе іх сустрэў сам Францыск Скарына. Дзецям цікава было даведацца пра той час, калі ён толькі распачынаў кнігадрукаванне, а таксама пра тое, як стваралася першая беларуская кніга. Потым адбылася размова пра значэнне кнігі ў жыцці чалавека, пра тое, чаму можа навучыць кніга. Напрыканцы сустрэчы, як запавет нашчадкам, прагучалі пранікнёныя і мудрыя словы Францыска Скарыны: "Любіце кнігу, бо яна – крыніца мудрасці, ведаў і навукі, лекі для душы."