Централизованная библиотечная система города Витебска

Жыць будзе край, Купала будзе жыць!» - на лiтаратурна- музычную гадзiну да 135-годдзя з дня нараджэння Янкi Купалы бiблiятэка імя С.Маршака запрасiла сваіх чытачоў 2 чэрвеня.

Багатую спадчыну пакінуў нам Янка Купала – паэт, драматург, палымяны публіцыст. Яго творы жывуць і будуць жыць праз стагоддзі. Час не мае над імі ўлады. Уся літаратурная спадчына паэта засведчана асабіста перажытымі хваляваннямі, выклікана асабістымі абставінамі. Кожны твор Янкі Купалы – споведзь, дзённік, па якім можна ўзнавіць увесь шлях песняра. Дзецi разам з бiблiятэкарам прайшлi Купалаўскiмi сцежкамi жыцця, спынiлiся ў запаветных мясцiнах, дзе гадаваўся, сталеў паэт, зноў i зноў перачытвалi яго вершы. Разважалi пра тое, што сэрца паэта было напоўнена трывогай i клопатам за лёс свайго народа, за лёс роднай мовы, за лёс любай Беларусi.