Централизованная библиотечная система города Витебска

Малюся я небу, зямлі і прастору,

Магутнаму Богу – усясвету малюсь,

Ва ўсякай прыгодзе, ва ўсякую пору

За родны народ Беларусі...

У ноч на Купалле, калі расцвітае папараць-кветка, упершыню загучаў голас чалавека, якому вызначана было стаць вялікім Песняром Беларусі – Янкам Купалам. Няма на Беларусі такога сэрца, якога б аднойчы не кранула Купалава слова.

25 мая бібліятэка імя Я. Купалы запрасіла сваіх чытачоў на літаратурна-музычную вечарыну "Жыць будзе край – Купала будзе жыць".

Юбілейную вечарыну адкрыла паэтэса, загадчык кафедры беларускай літаратуры ВДУ імя П. Машэрава Вольга Іванаўна Русілка, якая вельмі добра адзначыла месца Я. Купалы не толькі ў беларускай, а і ў сусветнай літаратуры і прачытала свой верш-прысвячэнне паэту, а навучэнцы УА "Віцебскі дзяржаўны палітэхнічны прафесійны каледж" Насця Барышнікава і Дыяна Сакалова прадставілі харэаграфічную кампазіцыю на мелодыю да верша "Я не паэта".

Потым адбылося знаёмства з асноўнымі вехамі жыцця і накірункамі творчасці Песняра, асобая ўвага была звернута на тое, што менавіта праз творчасць Янкі Купалы беларусаў ведаюць у свеце.

Галоўнымі на сустрэчы былі вершы паэта, якія цудоўна прачыталі навучэнцы тэатральнага аддзялення ДУА "Дзіцячая школа мастацтваў № 2 г. Віцебска", загадчык аддзялення Любоў Балеславаўна Гаўроўская, рэжысёры Аксана Юр'еўна Ляўковіч і Андрэй Васільевіч Краўчук.

У выкананні канцартмайстара СШ № 27 Сяргея Віктаравіча Калодкіна прагучала песня "Янка Купала" і песні на творы паэта. Завяршылася вечарына песняй "Малітва" і запальваннем свечак памяці у гонар славутага Песняра.