Централизованная библиотечная система города Витебска

Толькі паспела прырода прачнуцца ад доўгага зімовага сну, як усе – і старыя і малыя – рыхтуюцца з радасцю сустрэць вялікае веснавое свята – Вялікдзень. 

12 красавіка бібліятэка імя М. Горкага запрасіла вучняў 4-х класаў СШ № 3 на свята "Свята Вялічка з чырвоным яечкам."

Вялікдзень - свята радаснае, якое нездарма называюць "Свята святаў і Урачыстаць Урачыстасцяў", бо яно сімвалізуе перамогу дабра над злом, святла над цемрай.

Пад час сустрэчы госці даведаліся, як да гэтага свята рыхтаваліся нашы продкі, як сустракалі Вербніцу і што абавязкова трэба было зрабіць да "чыстага" чацвярга. Цікавай была інфармацыя пра тое, якія галоўныя стравы рыхтуюцца да Вялікадня: выпяканне хлеба і пасхі, фарбаванне яек. Дзеці расказалі аб тым, як рыхтуюцца да Вялікдня ў іх сям'і.

Потым усе з задавальненнем бралі ўдзел у велікодных гульнях і былі ўзнагароджаны салодкімі падарункамі, а да ўсяго кожны ўдзельнік атрымаў паштоўку, якую можна самастойна ўпрыгожыць, размаляваць і напісаць свае пажаданні блізкім. Спадзяемся, што добры настрой, створаны пад час свята ва ўсіх прысутных, захаваецца надоўга.