Централизованная библиотечная система города Витебска

21 і 22 сакавіка ў бібліятэцы імя М.Горкага адбылася мультымедыйная прэзентацыя "Францыск Скарына: жыццё і лёс", прысвечаная 500-годдзю беларускага кнігадрукавання, пакладзенага Францыскам Скарынай. Бібліятэкары расказалі слухачам, а гэта былі вучні старэйшых класаў СШ № 22, навучэнцы УА "Віцебскі дзяржаўны палітэхнічны каледж" і вучні 6-7-х класаў УА "СШ № 4 г. Віцебска", пра чалавека невычэрпнай энергіі і ініцыятывы, паэта, медыка, батаніка, астранома, гуманіста і першадрукара, чалавека, з рук якога ўсходняе славянства атрымала першую друкаваную кнігу.

Бібліятэкары расказалі слухачам, а гэта былі вучні старэйшых класаў СШ № 22 і навучэнцы УА "Віцебскі дзяржаўны палітэхнічны каледж", пра чалавека невычэрпнай энергіі і ініцыятывы, паэта, медыка, батаніка, астранома, гуманіста і першадрукара, чалавека, з рук якога ўсходняе славянства атрымала першую друкаваную кнігу.

Мультымедыйная прэзентацыя пазнаёміла прысутных з гадамі вучобы знакамітага палачаніна, калі і чаму ён зацікавіўся кнігадрукаваннем і выдаў на старабеларускай мове першую кнігу "Псалтыр" і 23 кнігі Бібліі, калі заснаваў першую друкарню на тэрыторыі Беларусі. Маладыя людзі даведаліся пра тое, які ўплыў аказала дзейнасць Ф.Скарыны на развіцце кнігадрукавання і пісьменства не толькі на беларускіх землях, а ва ўсім Вялікім Княстве Літоўскім і іншых усходнеславянскіх краінах.

У гонар вялікага асветніка ў 1995 годзе законам Рэспублікі Беларусь былі заснаваны медаль і ордэн Францыска Скарыны, як адна з найвышэйшых дзяржаўных узнагарод Беларусі за асаблівыя заслугі ў справе нацыянальна-дзяржаўнага адраджэння.

Напрыканцы сустрэчы навучэнцы адказалі на пытанні віктарыны "Наш Скарына".