Централизованная библиотечная система города Витебска

Добры дзень, мой браце юны!

Я прынёс табе як дар

Ад Скарыны-бацькі кнігу –

Беларускі лемантар.

               М.Танк "Лемантар"

15 сакавіка ў бібліятэцы імя Ул. Караткевіча прайшоў урок радзімазнаўства "Вялікі твой шлях, кніга!", прымеркаваны да 500-годдзя беларускага кнігадрукавання. Разам з бібліятэкарам навучэнцы 4 "Г" класа ДУА "Гімназія №3 г. Віцебска імя А.Пушкіна" адправіліся ў завочную вандроўку да вытокаў з'яўлення друкаванай кнігі на Беларусі, успомнілі знакамітых людзей, якія пачыналі гэту слаўную справу, асобна спыніліся на дзейнасці Францыска Скарыны, які ў 1517 годзе ў Празе выдаў першую друкаваную кнігу "Псалтыр" на старабеларускай мове.

Потым у выкананні дзяцей прагучалі вершы Я.Коласа, Я.Купалы, Ул. Караткевіча, Н. Гальпяровіча, А.Мятліцкага, Я.Янішчыц, Н. Гілевіча, В.Лукшы, у якіх паэты ўславілі свой край, яго святыні, непаўторную родную мову. У канцы ўрока вучні па чарзе прачыталі верш Максіма Танка "Лемантар" і прынялі ўдзел у акцыі "А як бы я ўпрыгожыў пачатковую літару старажытнай кнігі". Кожны вучань размаляваў літару ў сваёй асабістай манеры, а ўсе разам яны вылажылі з гэтых літар імя і прозвішча нашага праслаўленага першадрукара.