Централизованная библиотечная система города Витебска

Не, класікі не паміраюць —

Такі іх несмяротны род.
Што напісаць
не паспяваюць,
За іх дапісвае народ.

Гэтымі радкамі В. Лукшы пачалася вечарына-партрэт пад назвай "Глыбокая плынь жыцця", прысвечаная 95-годдзю з дня нараджэння народнага пісьменніка Беларусі Івана Шамякіна, які бібліятэка імя І. Крылова правяла ў межах Года культуры 28 студзеня для вучняў 9 "В" класа СШ №12.

Хто з чытачоў, асабліва людзей старэйшых пакаленняў, не памятае такія эпічныя палотны Івана Шамякіна, як "Глыбокая плынь", "Сэрца на далоні", "Трывожнае шчасце", "Снежныя зімы" і многія іншыя, якія, як толькі выходзілі ў свет, актыўна чыталіся і горача абмяркоўваліся. Пазнаёміць маладое пакаленне з асноўнымі вехамі жыццёвага і творчага шляху пісьменніка, выклікаць цікавасць не толькі да яго твораў, а таксама да асобы пісьменніка – грамадзяніна і патрыёта - такую мэту ставілі перад сабой арганізатары вечарыны. Вялікую цікавасць у прысутных выклікала дэманстрацыя фотаздымкаў з архіву пісьменніка і дакументальны фільм У. Цеслюка "Імгненні жыцця", у якім пісьменнік дзеліцца з гледачом успамінамі пра самыя драматычныя старонкі свайго жыцця.