У межах Дзён літаратуры, прысвечаных жыццю і творчасці Уладзіміра Караткевіча, 17 лістапада ў бібліятэцы, якая носіць імя пісьменніка, з удзелам вучняў 3 «А» класа СШ №11 прайшоў біяграфічны ўрок «Тут адкрылася мне душа краіны».
Дзеці даведаліся пра атмасферу ў сям'і пісьменніка, пра тое, якую ролю ў яго жыцці адыгралі бацькі і дзядуля, у якім узросце ён пачаў чытаць і якая кніга для будучага паэта стала настольнай. Вучняў зацікавіла інфармацыя пра першыя творчыя вопыты будучага паэта, пра ўдзел у літаратурным гуртку «Званочак», а таксама пра яго іншыя захапленні і таленты. Дзеці пачыталі казкі пісьменніка, праілюстравалі іх, ахарактарызавалі галоўных герояў.