«Дом, дзе жывуць кнігі» – так называўся ўрок-знаёмства, які прайшоў 27 кастрычніка ў бібліятэцы імя У. Караткевіча з удзелам двух груп дзіцячага садка №79.
Дзяцей пазнаёмілі з абанементам і чытальнай залай, расказалі пра правілы карыстання бібліятэкай і кнігамі, прадставілі не толькі кніжныя выставы, але і выставы дэкаратыўна-прыкладной творчасці «Талент майстра казку ажывіў» Аляксандра Саўчанкі і «Лапікавае шчасце» Анжалікі Вішнеўскай. А затым усе з задавальненнем прынялі ўдзел у займальных віктарынах «Чароўны куфэрак», «Героя казкі назаві», а таксама ў інсцэніроўцы казкі «Рэпка».