Централизованная библиотечная система города Витебска

   20, 21, 27 і 28 верасня ў бібліятэцы імя Ул. Караткевіча прайшло адкрыццё выставы творчых работ «Героі казак у госці да нас» удзельнікаў выставы-конкурса адкрытага фестываля літаратурнай казкі і дэкаратыўна-прыкладнога мастацтва «Касцюм для героя», аб'яўленым Культурна-гістарычным комплексам «Залатое кола г. Віцебска «Дзвіна».

   Вучняў пачатковых класаў СШ №11 пазнаёмілі з сюжэтамі казак пісьменнікаў Беларусі, Расіі, Ізраіля: Таццяны Белакуравай «Казка пра Машу-русалачку», Алены Курынай «Кот-медаліст», Марыны Козікавай «Ангелок», Наталлі Жызнеўскай «Прыгоды Клёныча», Марыі Ягоравай «Казка пра мушку Соню і куфар са скарбам», прапанавалі ім знайсці галоўную мудрасць, закладзеную пісьменнікамі ў іх чароўных творах, далі магчымасць разглядзець творчыя работы па казках і прыдумаць свае назвы кампазіцыям.