Централизованная библиотечная система города Витебска

15 і 16 сакавіка ў бібліятэцы імя Ул. Караткевіча з удзелам вучняў 1 «Б», 3 «В» і 2 «В» класаў СШ №11 прайшло адкрыццё выставы творчых работ «Чароўная кветка» студыі саломапляцення ДУ «Культурна-гістарычны комплекс «Залатое кола г. Віцебска «Дзвіна», мастацкі кіраўнік Людміла Вараб'ёва.

Дзецям адкрылі сакрэты работы з унікальным прыродным матэрыялам, расказалі паданні і легенды пра кветкі, прадстаўленыя на выставе, запрасілі прыняць удзел у гульнях і віктарынах кветкавай тэматыкі: «Дзе растуць кветкі?», «Кветкі-сімвалы», «Мастак», «Падбяры рыфму», правялі фізкультмінутку «Сонечныя кветкі», а потым усе з замілаваннем сачылі за плаўнымі рухамі дзяўчынак, якія ў прыгожых вяночках з залацістай саломкі танчылі пад народную песню «Купалінка».

Напрыканцы мерапрыемства дзеці, знаходзячыся ў незвычайным садзе, дзе кветкам патрэбны ні паліў, ні рыхленне, а толькі добрыя словы, паказалі сябе «клапатлівымі садоўнікамі»: выказалі сваё захапленне работамі таленавітых майстроў і прачыталі верш М. Паўловіч «Залатыя кветкі».