Централизованная библиотечная система города Витебска

З 2 лютага ў бібліятэцы імя Ул. Караткевіча праходзіць выстава творчых работ «Поющая глина» гуртка керамікі ДУ «Культурна-гістарычны комплекс «Залатое кола г. Віцебска «Дзвіна», мастацкі кіраўнік Жанна Віктараўна Комлева.

На выставе прадстаўлены гліняныя свістулькі, якія маюць статус нематэрыяльнай гістарычна-культурнай спадчыны Віцебшчыны. Калісьці нашы продкі пры дапамозе свістулькі прасілі ўраджаю, або выклікалі дождж, або шаманілі над хворым, вешалі дзецям на шыю, каб пазбегнуць сурокаў. У кожнай свістулькі ў выглядзе жывёл было знакавае значэнне: баран — сімвал багацця, знатнасці і жыццёвага поспеху; птушка — увасабленне вясны, цяпла, сонца; каза — знак урадлівасці, у ёй заключаны хлебны дух поля.

Прадстаўленыя на выставе свістулькі маюць свой непаўторны не толькі знешні выгляд, але і гук і кожны наведвальнік абавязкова знойдзе «жывы» экспанат, які яго зачаруе. І калі нараджаецца чысты і немудрагелісты гук, усю існасць напаўняе гармонія і спакой.