Централизованная библиотечная система города Витебска

16 снежня ў бібліятэцы імя Ул. Караткевіча ў межах праекта "Радзіма мая дарагая, красуйся і ў шчасці жыві!", які рэалізуецца разам з Першамайскай раённай арганізацыяй г. Віцебска "Беларускае грамадскае аб'яднанне ветэранаў" (БГАВ) прайшла патрыятычная гадзіна "Памятай! Памятай! Памятай!"

На сустрэчу з вучнямі 4 "Б" класа ДУА "Сярэдняя школа №12 г. Віцебска імя Л. Філіпенкі" прыйшлі арганізатары праекта, старшыня Першамайскай раённай арганізацыі БГАВ Леанід Андрэевіч Цітоў, яго намеснік Святлана Дзмітрыеўна Панізовіч і старшыня Першамайскай раённай арганізацыі "Беларуская асацыяцыя былых непаўналетніх вязняў фашызма" Еўдакія Пятроўна Коласава. Еўдакія Пятроўна падзялілася сваімі ўспамінамі пра вываз яе сям'і пад страхам смерці ў Германію на працоўнае рабства, пра цяжкую працу там яе маці і сясцёр на жалезнай дарозе, пра свой удзел у аднаўленні Віцебска пасля вайны, пра цяжкія ўмовы жыцця ў зямлянках і разбураных дамах у пасляваенным горадзе і звярнулася з наказам да маладога пакалення: помніць пра тое, якой цаной была заваёвана Перамога і быць дастойнымі яе нашчадкамі.