Централизованная библиотечная система города Витебска

     9 сакавіка ў бібліятэцы імя Ул. Караткевіча з удзелам вучняў 4 «Б» класа СШ №11 прайшла гутарка-суперажыванне «У дзяцей вайны няма дзяцінства, у дзяцей вайны суровы лёс».

     Прысутным прадставілі новыя кнігі серыі «Дзеці вайны», у якіх пісьменнікі Зінаіда Дудзюк, Міхась Стральчэня, Расціслаў Бензярук, Фелікс Баторын, выкарыстоўваючы ўспаміны відавочцаў, апавядаюць пра жорсткія выпрабаванні, якія выпалі дзецям і падлеткам у гады акупацыі Беларусі войскам фашысцкай Германіі, як ім даводзілася выжываць пад дулам аўтаматаў і жэрламі гармат, у канцэнтрацыйных лагерах і на прымусовай працы ў Германіі, галадаць і мёрзнуць, і ў той жа час адважна змагацца з ворагам, выконваць заданні партызанаў і падпольшчыкаў. Вучням таксама прадставілі і іншыя выданні: «Дзяцінства, абпаленае вайной», «Дзеці ваенных часоў», «Ніколі не забудзем».