22 лютага ў бібліятэцы імя Ул. Караткевіча адзначылі Дзень родных моў. Вучняў 2 і 3-х класаў СШ № 11 запрасілі прыняць удзел у конкурсе знаўцаў беларускай мовы «Высокай пробы звон радзімай мовы».
Дзеці даведаліся, калі і з якой мэтай было абвешчана свята роднай мовы, колькі сёння налічваецца моў у свеце, колькі з іх знаходзіцца пад пагрозай знікнення і колькі існуе мёртвых моў. Вучняў пазнаёмілі з цікавымі фактамі з гісторыі развіцця і станаўлення беларускай мовы, знакамітымі беларусамі, унёсшымі значны ўклад у развіццё беларускай мовы і культуры. У гульнявой часцы мерапрыемства дзецям прапанавалі разгледзіць малюнкі, аб'яднаныя рознай тэматыкай «Мая кватэра», «Мая сям'я», «Кветкі роднай зямлі», «Жывёлы і птушкі», «З'явы прыроды», «Адзенне і абутак» і агучыць назвы прадметаў, жывых істот па-беларуску, прыняць удзел у гульне «Падобнае непадобнае» (назваць сінонімы, антонімы і амонімы). За кожны правільны адказ удзельнікі атрымлівалі жэтоны і напрыканцы мерапрыемства прайшла цырымонія ўзнагароджвання пераможцаў.