Централизованная библиотечная система города Витебска

      Урок-біяграфія «Когда появился я в мире людей...» па старонках кнігі Давіда Сімановіча «Жоўтыя бессмяротнікі дзяцінства», у аснову якой пакладзены першыя дзённікавыя запісы будучага паэта, прайшоў 25 студзеня ў бібліятэцы імя Ул.Караткевіча.

     Другакласнікам расказалі эпізоды з дзяцінства Давіда Сімановіча, праз якое стратамі і боллю прайшлася вайна. Вачамі дзевяцігадовага Давіда дзеці ўбачылі пачатак вайны, эвакуацыю, галодныя гады ваеннага ліхалецця, даведаліся пра мары хлапчука ў той грозны час, пра тое якім светлым і шчаслівым быў для яго Дзень Перамогі. Потым дзяцей пазнаёмілі з кнігамі вершаў для дзіцячага чытача «Чароўны луг» і «Зялёны конік».

    У выкананні юных чытачоў прагучалі паэтычныя радкі, у якіх адчуваўся напамін аб вайне, а таксама вершы пра прыгажосць і непаўторнасць роднай зямлі, вясёлыя вершы, у якіх знайшлі адлюстраванне гульні і клопаты дзяцей мірнага часу.