Централизованная библиотечная система города Витебска

     Гадзіна мужнасці «Моцныя духам», якая расказала вучням 2-х класаў СШ №11 пра вядомых лётчыкаў, прайшла 28 мая ў бібліятэцы імя Ул.Караткевіча.

     Затаіўшы дыханне слухалі другакласнікі пра подзвіг Мікалая Гастэлы і яго экіпажа, накіраваўшых свой палаючы самалёт на калону фашысцкай тэхнікі, пра Аляксандра Гараўца, збіўшага ў адным баі дзевяць варожых самалётаў, пра самага юнага лётчыка Аркадзя Каманіна, які ў вайну зрабіў 650 вылетаў, а ў чэрвені 1945, прымаўшага ўдзел у Парадзе Перамогі ў Маскве, пра подзвіг Уладзіміра Карвата, які 23 мая 1996 года цаной уласнага жыцця падарыў другі дзень нараджэння баранавічскай вёсцы Арабаўшчына.

    Асобная старонка мерапрыемства была прысвечана героям сённяшняга часу – лётчыкам маёру Нічыпорчыку Андрэю Уладзіміравічу і лейтэнанту Куканенка Нікіце Барысавічу, якія паўтарылі подзвіг Уладзіміра Карвата, праявілі мужнасць і гераізм і адвялі бяду ад жылых дамоў населенага пункта.