Централизованная библиотечная система города Витебска

     Літаратурную гульню «За казачным клубком» арганізавалі супрацоўнікі бібліятэкі імя Еўдакіі Лось 20 і 22 красавіка для выхаванцаў яслі-сада №105.

     Разам з бібліятэкарам дзеці прыгадалі, што такое казкі, якімі яны бываюць і хто іх расказвае. Асобная размова ішла пра беларускія народныя казкі. Для кожнай групы была прачытана свая казка — «Ганарыстая варона», «Стары конь», «Лісіца і мужык». Пасля прачытання дзеці абмеркавалі ўчынкі герояў.

     Малышы з задавальненнем разгадвалі «Загадкі-цытаткі» з вытрымкамі з вядомых казачных твораў. Яшчэ бібліятэкар падрыхтавала для іх цікавыя заданні на знаходлівасць і кемлівасць, выкананне якіх патрабавала ўвагі і фантазіі. Але больш за ўсё маленькім удзельнікам спадабалася тэатралізаваная гульня па казцы «Рэпка». Дзеці самі выбіралі выканаўцаў роляў герояў гэтага казачнага твора. «Рэпка» атрымалася вельмі вясёлай.