Святочнае асарці адбылося для вучняў 1«Г» класа ДУА «Сярэдняя школа №11» у бібліятэцы імя Ул.Караткевіча 5 студзеня.
Мерапрыемства пачалося з размовы пра святкаванне Новага года, з традыцыйнага запальвання елкі; дзецям нагадалі, што раней навагоднія святы доўжыліся два тыдні і называлісь Калядамі. Вучні з цікавасцю слухалі расповед пра тое, як святкавалі Каляды нашы продкі, як выглядае і што сімвалізуе калядная зорка, якое дрэўца ўпрыгожвалі ў доме, як накрывалі стол, як гадалі пры дапамозе саломы, якую клалі пад абрус.
А потым з удзелам аўдыторыі пачаліся калядныя гулянні. Пры дапамозе каверзных пытанняў былі выбраны калядоўшчыкі. Каза танчыла і спявала, а таксама прымала (пляскала ў далоні) або не прымала (тупала ножкамі) тыя гасцінцы, якімі яе «частавалі». Мядзведзь дэманстраваў сваю сілу і спрыт, а таксама паказваў, як дзеці ў школу ідуць, як вяртаюцца з выдатнай адзнакай, а як – з двойкай, як старыя на малых лаяцца, як дзяўчаткі танчаць і як ў люстэрка глядзяцца. Цыганка прапанавалі прысутным пагадаць на прадметах, якія кожны даставаў з мяха і для кожнага было падрыхтавана добрае светлае прадказанне. Напрыканцы свята дзеці пачыталі напамяць навагоднія вершы і былі ўзнагароджаны падарункамі за выразнае і артыстычнае прачытанне.