Централизованная библиотечная система города Витебска

     Кожны год чытачы бібліятэцы імя Ул.Караткевіча у межах праграмы летняга чытання адпраўляюцца ў віртуальнае касмічнае падарожжа на планеты «Кніжнай галактыкі».

     23 ліпеня наведвальнікі летняга лагера ДУА «Сярэдняя школа №34 г. Віцебска» адкрылі для сябе планету «Спадчына», з'яўленне якой у гэтым годзе абумоўлена памятнай датай – 90-годдзем з дня нараджэння Ул.Караткевіча.

    Пісьменнік у сваіх казках расказваў пра чароўную краіну і называў яе «нейкім прыгожым краем», што знаходзіцца «трошкі бліжэй да Сонца і трошкі далей ад Месяца». Вось на гэтай планеце і адбыліся сустрэчы дзяцей з казачнымі героямі: з Янкам і Аленкай, з Жабкамі і Чарапахай, з Вераб'ём і Савой.

     Удзельнікам мерапрыемства спадабаліся вясёлыя гульні, у аснову якіх былі пакладзены чароўныя гісторыі пісьменніка: «Вясна ўвосень», «Мужык і дзіва аднавокае», «Кацёл з каменчыкамі», а таксама фокус з вызваленнем ад пут па сюжэту казкі «Вужыная каралева».