Централизованная библиотечная система города Витебска

     Культура паводзін з'яўляецца добрым індыкатарам агульнай адукаванасці і выхаванасці сучаснага чалавека, уплывае на яго рэпутацыю і імідж. 30 і 31 студзеня ў бібліятэцы імя Ул.Караткевіча для вучняў 8«А» і 8«В» класаў ДУА «Сярэдняя школа №11» прайшла гадзіна добрых манер «Мастацтва падабацца сабе і іншым».

    Васьмікласнікам расказалі пра гісторыю з'яўлення правіл паводзін, пра асаблівасці этыкета ў розных краінах свету, а таксама пра запатрабаванні, якія прад'яўляе да чалавека сямейны, нацыянальны, рэлігійны, дзелавы, міжнародны і застольны этыкет.

     Вучні атрымалі каштоўныя парады, як паводзіць сябе ў грамадстве, каб пакінуць аб сабе прыемныя ўражанні і будаваць на іх аснове эфектыўныя зносіны з іншымі людзьмі, як весці сябе ў сацыяльных сетках і перапісвацца па электроннай пошце. У ходзе мерапрыемства прагучалі таксама вершы, прытчы, павучальныя рэальныя гісторыі, якія дапамаглі прысутным замацаваць асноўныя правілы паводзін у грамадстве.