Централизованная библиотечная система города Витебска

     «Край, дзе жыццё я сваё пачынаю...» - такая назва аб'яднала цыкл краязнаўчых мерапрыемстваў, прысвечаных Году малой Радзімы, якія супрацоўнікі бібліятэкі імя Я.Маўра 15,17 і 19 красавіка правялі для вучняў ДУА «Сярэдняя школа №12».

    На сустрэчах ішла гаворка аб тым, што самыя дарагія для чалавека мясціны – тыя, дзе ён з'явіўся на свет. Для кагосьці гэта родная вёска, родны горад, вуліца ў горадзе, або невялічкі дворык. А для тых, хто жыве за межамі краіны, малой радзімай стала Беларусь. Вучні даведаліся пра паходжанне назвы нашай краіны, пазнаёміліся з сімволікай і картай Беларусі. Разам з бібліятэкарам яны разважалі аб тыповых рысах характару беларускага народа, вучылі лічылкі-жарты на роднай мове, адгадвалі загадкі і чыталі вершы. Хлопчыкі і дзяўчаткі даведаліся адкуль пайшла назва нашага горада, пра што расказвае герб Віцебска. А потым яны здейснілі віртуальнае падарожжа па цікавым мясцінам горада, успомнілі імёны знакамітых землякоў. Мерапрыемствы суправаджаліся гульнямі, рознымі заданнямі, былі цікавымі і запамінальнымі.