Централизованная библиотечная система города Витебска

З нагоды Міжнароднага жаночага дня ў бібліятэцы імя Ул. Караткевіча 5 сакавіка прайшоў чарговы занятак гуртка "Бусляня". Увазе дзяцей прапанавалі падборку кніг і часопісаў з вершамі вядомых беларускіх паэтаў, ураджэнцаў Віцебскага краю. У кожным паэтычным радку словы ўдзячнасці і любові матулям за іх цеплыню, цярплівасць, разуменне... І проста за тое, што яны – Мамы.

На практычнай частцы занятка гурткоўцаў пазнаёмілі з 2-ім томам кнігі "Традыцыйная мастацкая культура беларусаў", прысвечаным народным промыслам Віцебскага Падзвіння. Асобна бібліятэкар прыпынілася на асаблівасцях ганчарнага рамяства майстроў паазерскага краю. Затым дзеці аформілі віншавальную паштоўку для сваіх матуль, упрыгожваннем для якой стала вылепленая з пластыліну ваза з галінкамі мімозы.