Централизованная библиотечная система города Витебска

     З 15 мая ў бібліятэцы імя У.Караткевіча адкрылася выстава цацак ваенных гадоў Анжалікі Вішнеўскай і чытачоў бібліятэкі «Гэта лялька таксама ваявала, многае раскажа вам яна...»

      На выставе прадстаўлены рэплікі цацак, з якімі гулялі дзеці ў гады ваеннага ліхалецця. Яны зроблены з падручнага матэрыялу: лапікаў тканіны, галінак, драўляных чурак, газеты. Кожная цацка на выставе мае сваю праўдзівую гісторыю. Франтавая мядсястра раскажа пра дзяўчынку, якая зрабіла яе, пісала і ўкладвала запіскі ў руку лялькі з просьбай, каб тата жывым вярнуўся дадому. Лялька Луша, у аснове якой гільза, прыглядвала за дзецьмі, пакуль дарослыя былі на рабоце. Лялька, купленая на базары, зробленая з газетнай старонкі, прынесла ў дом вестку пра подзвіг сына. На выставе можна ўбачыць і цацкі, з якімі гулялі хлапчукі: драўляныя пісталеты, нажы, вінтоўкі, паравозы.

   Акунуцца ў атмасферу тых гадоў дапамогуць фотаздымкі дзяцей у момант, калі яны заняты гульнёй са сваімі любімымі цацкамі.