28 кастрычніка ў бібліятэцы імя Ул. Караткевіча прайшло свята «Запрашаем у краіну Чыталію», у якім бралі ўдзел наведвальнікі старшых груп яслі-сад № 70 «Светлячок».
Дзецям расказалі пра асаблівасці абанемента, чытальнай залы і медыятэкі, пазнаёмілі з кніжнымі і мастацкімі выставамі, запрасілі прыняць удзел у вясёлых гульнях і віктарынах «Хто жыве ў бібліятэцы?», «Што любіць кніга?», «Бібліятэчны алфавіт», «Казачныя каруселькі», «Чароўны куфэрак» і інш. Напрыканцы свята дзеці ў падарунак бібліятэцы пачыталі напамяць вершы беларускіх і рускіх паэтаў, выбралі для сябе цікавую кніжку або часопіс, а таксама сфатаграфаваліся на фоне фотазоны «Літаратурныя героі вітаюць вас!».