Централизованная библиотечная система города Витебска

     Святочнае пасяджэнне гуртка «Бусляня», прысвечанае Міжнароднаму жаночаму дню, прайшло 4 сакавіка ў бібліятэцы імя Ул. Караткевіча.

     Мерапрыемства пачалося з паэтычных чытанняў «Маё першае слова ў жыцці – мама». Дзеці чыталі напамяць вершы вядомых беларускіх паэтаў Артура Вольскага, Эдзі Агняцвет, Рыгора Барадуліна, Міколы Хведаровіча, Паўлюка Пранузы, Ніла Гілевіча. Бібліятэкар зрабіла агляд кніг, прадстаўленых на выставе: «Мая мама», «Маміны памошнікі», «Мамін дзень», «Мамачцы любімай» і інш. А затым вершы рускіх паэтаў з гэтых выданняў прадоўжылі святочны паэтычны марафон. У кожным паэтычным радку словы ўдзячнасці і любові матулям за іх цеплыню, цярплівасць, разуменне. І проста за тое, што яны – Мамы. А потым гурткоўцы больш гадзіны шчыравалі над афармленнем віншавальнага падарунка для матулі і, як вынік, кожная паштоўка атрымалася вельмі прыгожай і яркай. Нет сумнення, што падарунак, зроблены рукамі дзяцей, спадабаецца мамам і падыме настрой у святочны дзень.     А 9 сакавіка ў бібліятэцы для вучняў 4 «В» класа СШ №11 прайшоў ранішнік «Маё першае слова ў жыцці – мама». Свята пачалося з вясёлых віншаванняў хлопчыкаў у адрас аднакласніц і настаўніцы. Потым дзеці знаходзілі самыя добрыя і цёплыя словы, каб расказаць пра сваіх матуль, прыводзілі самі прыказкі і прымаўкі пра маму, падбіралі рыфмы да вершаваных радкоў вядомых паэтаў пра самага роднага і блізкага чалавека. Напрыканцы святочнай праграмы хлопчыкі паказалі сябе галантнымі кавалерамі і ўручылі сваім дамам папяровыя цюльпаны, зробленыя ў тэхніцы арыгамі.