Централизованная библиотечная система города Витебска

     Свята падвядзення вынікаў праграмы летняга чытання «Няхай кнігі сябрамі прыходзяць у ваш дом» прайшло 15 верасня ў бібліятэцы імя Ул.Караткевіча. У мерапрыемстве бралі ўдзел вучні 2«В» СШ №11.

     Дзецям расказалі пра важнасць і неабходнасць адзінства ў класе, у сям'і, а тым больш, у дзяржаве, пра тое, што усіх нас, такіх розных, аб'ядноўвае і вылучылі з пералічанага галоўнае – любоў да сваёй краіны, выказалі пажаданне росквіту роднай зямлі і прыйшлі да высновы, што дасягнуць гэтага можна толькі добрасумленнай працай кожнага беларуса, дарослага за станком ці на полі, вучня з кнігай за школьнай партай.

     Мерапрыемства было насычана пазнавальнымі і забаўляльнымі віктарынамі, конкурсамі і гульнямі: асацыятыўная гульня «Каравай-сімвал адзінства», гульня-пантаміма «Праца ў доме і ў бабулі на агародзе», віктарына «Старажытныя прылады апрацоўкі зямлі», гульні «Садавіна-гародніна», «Бульбу садзім і капаем, бульбу ў кошыкі збіраем», конкурс «Лепшы ільновод». У фінале мерапрыемства прайшла цырымонія ўзнагароджвання лепшых чытачоў лета 2021года. Пераможцы атрымалі дыпломы і бурныя апладысменты сваіх аднакласнікаў.