Централизованная библиотечная система города Витебска

     Урачыстае закрыццё выставы малюнкаў пераможцаў і ўдзельнікаў Міжнароднага конкурса дзіцячага малюнка «Мы – дзеці Космаса», заснаванага у 2016 годзе Дабрачынным фондам імя А.І. Рэрыха і Цэнтрам Рэрыхаў, адбылося 19 сакавіка ў бібліятэцы імя Ул.Караткевіча.

     У мерапрыемстве прыняла ўдзел малодшы навуковы супрацоўнік ДУ «Культурна-гістарычны комплекс «Залатое кола г. Віцебска «Дзвіна» Інна Васільеўна Садаводава, якая нагадала вучням 2«А» класа ДУА «Гімназія №3 г Віцебска імя А.С.Пушкіна», што космас у перакладзе з грэчаскага азначае «прыгажосць», «гармонія», і чалавек, які з'яўляецца часцінкай бясконцай касмічнай прасторы, можа толькі маючы добрае, спагадлівае сэрца, убачыць касмічную прыгажосць.

    Другакласнікі самі паразважалі на тэму: што такое космас. Іх веды абагульніла загадчык бібліятэкі і растлумачыла, што такое Сусвет, галактыкі, як пабудавана Сонечная сістэма. А потым дзеці пад гучанне песні «Прекрасное далёка» з кінафільма «Госця з будучыні» прыступілі пад кіраўніцтвам валанцёра Таццяны Васільеўны Клімянок да адлюстравання ў фарбах свайго асабістага бачання космасу. Кожны паспрабаваў выказаць свае думкі пра Сусвет і месца чалавека ў ім. Атрымалася сапраўдная феерыя фарбаў і сюжэтаў. Юныя мастакі перадалі ў сваіх малюнках не толькі прыгажосць, але і звязаныя з ёй глыбокія перажыванні.