Централизованная библиотечная система города Витебска

    Абмеркаванне кнігі савецкага пісьменніка Яна Лары «Незвычайныя прыгоды Карыка і Валі» адбылося 22 студзеня ў бібліятэцы імя Ул.Караткевіча з удзелам вучняў 3«Б» класа ДУА «Сярэдняя школа №11».

     Вучні прачыталі кнігу, і, на працягу размовы аб ёй, наперабой расказвалі пра прыгоды брата і сястры, якія выпіўшы памяншальнай вадкасці адпраўляюцца ў дзіўнае падарожжа, такое цікавае, але часам і смяротнанебяспечнае. Дзецям адкрыўся ва ўсёй сваёй красе і самабытнасці свет маленькіх істот, якіх у звычайным жыцці мала хто заўважае. Чытаючы, яны быццам бы падарожнічалі разам з героямі, лёталі з імі на чмялі, спрабавалі ласунак-нектар перамяшаны з мёдам, плылі па хуткай рацэ на карабліку зробленым з... дубовага ліста.

    Некаторых маленькіх істот вучням пашанцавала нават патрымаць у руках - бібліятэкар паказала дзецям жука-насарога і жука-аленя з асабістай калекцыі насякомых. Кніга не толькі павучае чытача, да чаго можа прывесці дзіцячыя непаслухмянства і свавольствы, але і дапамагае разабрацца ў дзіўным свеце насякомых і падкрэслівае важнасць беражлівых адносін да прыроды, такой далікатнай і такой неабходнай ўсім нам.