Централизованная библиотечная система города Витебска

   16 красавіка супрацоўнікі бібліятэкі Ул. Караткевіча правялі для вучняў СШ №26 праваслаўную гадзіну «Вялікдзень – свята святаў». Бібліятэкар расказала біблейскую гісторыю Уваскрэсення Хрыста, пра свята Вялікдзень - свята надзеі на агульнае адраджэнне і абнаўленне духоўнага свету чалавека, свята, якое сімвалізуе перамогу Любові над ненавісцю, Жыцця над смерцю.

   Вучні таксама даведаліся, як рыхтуюцца да светлага дня праваслаўныя вернікі, пра традыцыі, якія падтрымлівае Праваслаўная Царква. Протаіерэй Аляксандр Мозалеў павіншаваў падлеткаў са святам, нагадаў пра сустрэчу Хрыста з вучнямі пасля Уваскрэсення і даў мудрыя парады, як рэагаваць, калі крыўдзяць і зневажаюць.