Централизованная библиотечная система города Витебска

   25, 26 і 27 сакавіка ў бібліятэцы імя Ул. Караткевіча прайшла святочная праграма «Кніжкіны імяніны», у якой прымалі ўдзел наведвальнікі школьных лагераў гімназіі №9, СШ №34 і СШ 28. Дзецям расказалі, што дата святкавання Тыдня дзіцячай кнігі была выбрана невыпадкова, што ў гэты дзень пісьменнікам, якія пішуць для дзяцей уручаецца Міжнародная прэмія імя Г.Х.Андэрсена.

   Удзельнікі мерапрыемства даведаліся таксама пра жыццё і творчасць аўтара «Русалачкі» і «Дзюймавачкі», пра тое, калі ўпершыню адзначалася свята дзіцячай кнігі ў СССР, як яно праходзіла ў гады вайны і якія пісьменнікі прадстаўлялі дзіцячую літаратуру. У праграме «Кніжкіных імянін» таксама было шмат музыкі і песень. Дзеці танчылі і спявалі, а таксама знаёміліся з новымі кнігамі і часопісамі.