Централизованная библиотечная система города Витебска

   19 і 20 лютага ў бібліятэцы імя Ул. Караткевіча праходзіла святочная праграма «А мы масленку дажыдалі, і ў аконца паглядалі», у якой бралі ўдзел вучні 1-2-х класаў СШ №34 і наведвальнікі сацыяльнага цэнтра рэабілітацыі і абілітацыі інвалідаў.

    Бібліятэкар расказала пра Масленіцу – народнае свята праводзін зімы і сустрэчы вясны, свята сонейка і агульнай радасці, адказала на пытанні: чаму такая вялікая пашана блінам на Масленіцу, чаму ў гэты дзень хлопцы і дзяўчаты гушкаюцца на арэлях, адкуль на Беларусі пайшла традыцыя святкаваць масленічны тыдзень і паліць на агні саламянае чучала, якое сімвалічна ўвасабляла ў сабе стары год, зло і холад, чаму ў апошні дзень свята людзі адзін у аднаго просяць прабачэння. Закончылася свята вясёлымі гульнямі і традыцыйным на масленіцу застоллем: удзельнікаў пачаставалі гарбатай з самавару, сытнымі блінамі, смачным печывам і духмянымі абаранкамі.