Централизованная библиотечная система города Витебска

   4 лютага ў бібліятэцы імя Еўдакіі Лось адбылося літаратурнае падарожжа з цыкла «Беларуская палічка» для вучняў 3 «Б» класа гімназіі №4. Яно было прысвечана Сусветнаму дню чытання ўслых.

    Што можа быць прасцей – пачытаць услых. Сабе, сябру, малодшаму брату ці бабулі. Так, гэта не только проста, але і вельмі прыемна, бо добрая справа заўсёды знаходзіць водгук у сэрцы кожнага чалавека.
    Здзяйсняючы літаратурнае падарожжа, трэцякласнікі пазнаёміліся з творчасцю вядомай беларускай пісьменніцы Алены Масла. У яе казках нават самыя звычайныя рэчы «ажываюць», узаемадзейнічаюць. А самае галоўнае, гэта заўсёды гісторыі, якія вучаць юнага чытача быць уважлівым да іншых людзей, знаходзіць узаепаразуменне, рабіць добрыя ўчынкі. Дзеці ўважліва праслухалі казку «Зорачка». Галоўнай высновай твора з'яўляецца думка аб тым, што кожны вырашае сам, як можа дапамагчы ці нават выратаваць жыццё іншаму. Далей удзельнікаў падарожжа чакалі беларускія народныя загадкі, складанне прыказак, гульня «Загаданка».