Цэнтралізаваная бібліятэчная сістэма горада Віцебска

         18 і 19 чэрвеня супрацоўнікі бібліятэкі імя Уладзіміра Караткевіча ў вулічным кінатэатры прапанавалі ўвазе гледачоў літаратурна-мастацкую гадзіну "У маленькім сэрцы - гора бяздоннае". Бібліятэкар расказала пра гісторыю напісання кнігі Наталлі Сухінінай "Развітанне славянкі", у аснову якой былі пакладзены ўспаміны Віктара Гладышава, перажыўшага, будучы на пачатку вайны васьмігадовым хлопчыкам, страшныя падзеі на акупаванай немцамі тэрыторыі.

           Таксама аўдыторыя даведалася, як праходзіла работа над мастацка-дакументальным фільмам "Чэрвеньскі палын", створаным па гэтай кнізе. Мерапрыемства прадоўжыў паказ фільма, які дапамагае захаваць памяць і перадаць яе наступным пакаленням. А потым гледачы пазнаёміліся з кнігамі па тэме "Дзеці вайны".