Цэнтралізаваная бібліятэчная сістэма горада Віцебска

    27 верасня ў бібліятэцы імя У. Караткевіча з удзелам вучняў 1 «В» класа СШ №11 у межах праекта да 1050-годдзя з дня заснавання Віцебска «Любы мой горад – натхнення крыніца» прайшоў восеньскі паэтычны марафон «Вот летит над миром осень молодая».

    У цэнтры ўвагі былі вершы віцебскіх паэтаў Тамары Красновай-Гусачэнка, Ніны Давыдзенка, Маіны Бабарыка пра восеньскія прыкметы, пра ўраджай на агародзе, пра багатыя лясныя падарункі, пра тое, як звяры і птушкі рыхтуюцца да зімы. Затым дзеці прыступілі да работы над пано «Восеньскі пейзаж», старанна выразалі лісточкі розных дрэў, размалёўвалі ягадкі рабіны, майстравалі ножкі і шляпкі баравікоў, прыклейвалі дэталі. Пано атрымалася яркім, рознакаляровым, як і сама гаспадыня Восень.