Цэнтралізаваная бібліятэчная сістэма горада Віцебска

    17 верасня у бібліятэцы імя Е.Лось адбылася бібліятэчная вандроўка «З кнігай праз стагоддзі», удзельнікамі якой сталі вучні 3-х класаў гімназіі №4.

    На працягу тысяч гадоў кніга неадрыўна прысутнічае ў жыцці чалавецтва. Незалежна ад таго, у якім выглядзе і форме яна існавала, першапачатковая роля – перадача інфармацыі і навучэнне – пакуль застаюцца. Якой яна стане ў будучым, пакажа жыццё.
    Трэцякласнікі пазнаёміліся з гісторыяй развіцця кнігі, з цікавымі фактамі, звязанымі са знакамітымі бібліятэкамі свету. Якая бібліятэка лічыцца самай вялікай па колькасці фонду? А якая самая старая ў свеце? Што сабой уяўлялі бібліятэкі даўніх часоў і хто там працаваў? У хлопчыкаў і дзяўчынак з'явілася шмат пытанняў, бо ў параўнанні гаворка яшчэ ішла пра Нацыянальную бібліятэку Беларусі і бібліятэку імя Еўдакіі Лось. Дзеці ўбачылі кнігі з фонду нашай бібліятэкі, якім па 80-100 гадоў з часу выхаду ў свет.
    Таксама ім былі прадстаўлены новыя дзіцячыя выданні беларускіх аўтараў. Сярод іх кніга лаўрэата Нацыянальнай літаратурнай прэміі 2024 г. Уладзіміра Мазго «Загадка – розуму зарадка». Трэцякласнікі паспрабавалі свае сілы ў разгадванні слоў-амонімаў. А напрыканцы пазнаёміліся з фотаальбомам «Віцебску 1050», які толька што з'явіўся ў фондзе бібліятэкі.