Цэнтралізаваная бібліятэчная сістэма горада Віцебска

   24 красавіка ў бібліятэцы імя Е. Лось прайшла гадзіна-рэквіем, прысвечаная Чарнобыльскай трагедыі. Яе ўдзельнікамі сталі вучні 7-х класаў гімназіі №4.

   Амаль чатыры дзесяцігоддзі назва Чарнобыль асацыюецца з трагічнымі падзеямі, якія адбыліся на тэрыторыі былога СССР, але сталі цяжкай ношай для Беларусі. Тэхнагенная катастрофа ў адзін момант змяніла жыццё тысяч людзей.
   Гадзіна-рэквіем пачалася прачытаннем урыўка з паэмы Янкі Сіпакова «Одзіум». Далей падлеткі пачулі аповед пра тых, хто быў на той час на пярэднім краі, як на вайне. Гэта супрацоўнікі электрастанцыі, пажарныя, вадалазы, лётчыкі. Дзякуючы ім катастрофа не стала больш маштабнай. Таксама было ўзгадана, што адным з першых, хто клапаціўся ў гэты час аб лёсе Беларусі і беларусаў, стаў пісьменнік Алесь Адамовіч. Ім быў напісаны ліст да Міхаіла Гарбачова. На працягу мерапрыемства гучалі вершы беларускіх паэтаў Міхася Башлакова і Сяргея Законнікава, прысвечаныя тэме Чарнобыля. Напрыканцы мерапрыемства вучні ўбачылі невялікі відэаролік «Прыпяць сёння».