Цэнтралізаваная бібліятэчная сістэма горада Віцебска

  24 лістапада ў Цэнтральнай гарадской бібліятэцы імя М.Горкага адбылася літаратурная вечарына «Я люблю цябе, роднае слова!», удзельнікамі якой сталі члены гарадскога грамадскага аб'яднання пажылых людзей «Залаты ўзрост».

   Святочная праграма была прысвечана юбілею народнага паэта Беларусі Пятруся Броўкі. Госці мерапрыемства пазнаёміліся з біяграфіяй і творчасцю пісьменніка. А затым адбыўся канцэрт, падрыхтаваны ўдзельнікамі аб'яднання «Залаты ўзрост». Гучалі вершы і песні на словы беларускіх паэтаў. Асабліва ўразіла слухачоў песня «Александрына» на верш Петруся Броўкі, прысвечаная народнай артыстцы Беларускай ССР Зінаідзе Канапельке — актрысе Беларускага нацыянальнага акадэмічнага драматычнага тэатра імя Якуба Коласа.