Цэнтралізаваная бібліятэчная сістэма горада Віцебска

    25 чэрвеня ў бібліятэцы імя У. Караткевіча да 55-годдзя з часу адкрыцця Віцебскага абласнога музею Героя Савецкага Саюза М. Шмырова прайшла гадзіна памяці «Легендарны бацька Мінай», у якім прынялі ўдзел наведвальнікі школьнага лагера СШ №38.

    Дзеці даведаліся, што свой баявы шлях Мінай Шмыроў пачаў яшчэ падчас Першай Сусветнай і Грамадзянскай вайны, а потым у гады Вялікай Айчыннай арганізаваў партызанскі атрад у Суражскім раёне Віцебскай вобласці. Дзеці з цікавасцю слухалі аповеды пра баявыя аперацыі партызанаў, пра іх геройскія ўчынкі і кемлівасць у барацьбе з ворагам. Боллю ў іх сэрцах адазваўся расказ пра трагічны лёс сям'і партызанскага камандзіра, праілюстраваны вершам А. Куляшова «Балада аб чатырох заложніках» і карцінай віцебскага мастака П. Явіча «Дзеці Міная».