Цэнтралізаваная бібліятэчная сістэма горада Віцебска

     2 мая ў бібліятэцы імя У. Караткевіча з удзелам творчага калектыву «Славянка», мастацкі кіраўнік Генадзь Грачоў, прайшла святочная літаратурна-музычная праграма «Сэрца маё растрывожылі песні ваенных гадоў», прысвечаная Дню Перамогі.

    У праграме прагучалі вершы беларускіх паэтаў на тэму Вялікай Айчыннай вайны і песні добра знаёмыя і любімыя аўдыторыяй: «На безымянной высоте», «Десятый наш десантный батальон», «Огонек», «Баллада о матери», «Майский вальс», «Песня о далекой Родине», «Мгновение», «День Победы». Песні, у якіх і боль страт, і горач паражэнняў, і радасць перамог, песні, якія не толькі акунаюць нас у гераічнае і трагічнае мінулае, але і заклікаюць людзей, якія жывуць сёння: «Беражыце маці!», «Беражыце дзяцей!», «Беражыце мір і спакой на зямлі!». Аўдыторыя была прадстаўлена старэйшым і малодшым пакаленнем і кожнаму прысутнаму былі зразумелымі пачуцці, выказанныя ў вершах і песнях.