Цэнтралізаваная бібліятэчная сістэма горада Віцебска

     14 і 15 верасня ў бібліятэцы імя Еўдакіі Лось прайшла літаратурная гадзіна для вучняў 4-х класаў гімназіі №4 «З крыніц адвечнай прыгажосці». Яна прысвячалася легендам і паданням беларускай зямлі.

    Гэты жанр вуснай народнай творчасці вельмі стараражытны. У ім збераглася памяць народа пра мінулае, перададзены тлумачэнні з'яў прыроды, закладзены ўяўленні і веды пра навакольны свет.

     Легенды і паданні з'яўляюцца моцным падмуркам для развіцця сучаснай літаратуры. Падчас мерапрыемства дзеці пачулі некалькі легенд пра Віцебск, прычым яны павінны былі вызначыць назву горада. Таксама прагучалі творы «Адкуль пайшлі беларусы», «Машэка», «Зязюльчыны слёзы». З легендамі і паданнямі цесна звязаны і іншыя жанры вуснай творчасці. Таму хлопчыкам і дзяўчынкам было прапанавана разгадванне старажытных загадак, над якімі прышлося падумаць. А яшчэ больш складаным здалося заданне, якое патрабавала знайсці рускамоўны аналаг беларускіх прымавак. Чацверакласнікі пазнаёміліся з кнігамі, у якіх сабраны легенды і паданні беларусаў.
     Для бібліятэкараў быў вельмі прыемны момант – іх павіншавалі з Днём бібліятэк.