Цэнтралізаваная бібліятэчная сістэма горада Віцебска

     14 красавіка ў бібліятэцы імя Ул.Караткевіча з удзелам вучняў 3 «В» класа СШ №11 прайшоў урок паэзіі «У твар дыхнула водарам вясна». Дзецям расказалі, што традыцыйна вясну сустракаюць тройчы: у лютым на Масленіцу, у сакавіку, калі прылятаюць першыя птушкі і ў красавіку, калі зацвітае вярба, паказалі карціны вядомых мастакоў Аляксея Саўрасава «Гракі прыляцелі», Ісака Левітана «Вясна. Вялікая вада» і «Март» і інш.

     Вучні паслухалі аўдыёзапісы галасоў птушак, вярнуўшыхся з цёплых краёў, знайшлі прыгожыя эпітэты і параўнанні пры апісанні вясенніх прыкмет. Паэтычны марафон пачала бібліятэкар выразна і з пачуццём, прачытаўшы вершы вясенняй тэматыкі Аляксандра Пушкіна і Фёдара Цютчава. Прадоўжылі марафон дзеці. Яны чыталі напамяць вершы Андрэя Белага, Агніі Барто, Мікалая Някрасава, Івана Буніна, Апалона Майкова і інш. І кожны чытальнік імкнуўся перадаць пачуццё радасці ад тых змен, якія адбываюцца ў прыродзе кожны дзень, змен, якія прыўносяць пасля чорна-белага зімовага сну яркія фарбы і колеры.