Цэнтралізаваная бібліятэчная сістэма горада Віцебска

  22 снежня ў бібліятэцы імя Ул. Караткевіча прайшла акцыя "Нашы дзеці" сумесна з работнікамі натарыяльнай канторы №3 Першамайскага раёна г. Віцебска.

  Бібліятэкары арганізавалі выставу творчых работ навучэнцаў 2 "В" класа ДУА "Сярэдняя школа №11 г. Віцебска", на якой прадстаўлены сняжынкі і зоркі, прыгажуні-елкі і фанарыкі, а таксама малюнкі на тэму зімы і навагодніх святаў. Кожны расказаў пра сваю творчую работу, а таксама пачытаў вершы пра Новы год, пра сняжынкі, пра добрыя пажаданні на свята. Натарыусы Анатоль Леанідавіч Маскін і Святлана Мікалаеўна Сцепанькова падзякавалі дзяцям за цікавыя работы, прадэкламаваныя вершы, павіншавалі з наступаючым Новым годам, пажадалі поспехаў у вучобе і творчасці, падарылі наборы для творчых заняткаў. Ад работнікаў бібліятэкі дзеці атрымалі салодкія пачастункі.