Цэнтралізаваная бібліятэчная сістэма горада Віцебска

     Конкурс на лепшага чытальніка вершаў Янкі Купалы і Якуба Коласа «Як вясёлкі яскравай дуга ў паэзіі шлях ваш адзначан», прысвечаны 140-годдзю з дня нараджэння песняроў, прайшоў 27 красавіка ў бібліятэцы імя Ул. Караткевіча. У конкурсе бралі ўдзел навучэнцы 3 «Г» класа СШ №11.

     Дзецям нагадалі пра дзіцячыя гады паэтаў, чым яны захапляліся, як цягнуліся да кніг і ведаў, пра першыя, напісаныя імі вершы і першыя ўзнагароды ў іх жыцці, а потым вучні пачыталі вершы песняроў.     Эмацыянальнае і артыстычнае выступленне было адзначана дыпломамі пераможцаў, а выразнае чытанне – дыпломамі за паспяховы ўдзел у конкурсе.