Цэнтралізаваная бібліятэчная сістэма горада Віцебска

     Чытачоў, аматараў музыкі і спеваў запрасілі 10 сакавіка ў бібліятэцы імя Ул. Караткевіча на музычную вечарыну «Там, дзе жанчына, там і песня», прыўрочаную да  Жаночага дня - 8 сакавіка. У вечарыне прымаў удзел вакальны калектыў ветэранаў педагагічнай працы ВДУ імя П.М. Машэрава «Ліра» (мастацкі кіраўнік Ларыса Паўлаўна Лабунова).

     У святочнай праграме прагучалі песні, прысвечаныя вясноваму абуджэнню прыроды, жаноцкаму і мацярынскаму шчасцю. Аўтар і выканавец Рыгор Карчэўскі прэзентаваў аўдыторыі аўтарскую песню «Прыход вясны» і раманс «Прадчуванне». Музычная вечарына стварыла святочную атмасферу, разбудзіла самыя светлыя і прыемныя ўспаміны і падарыла ўсім прысутным на ёй добры настрой.