Цэнтралізаваная бібліятэчная сістэма горада Віцебска

6 мая супрацоўнікі бібліятэкі імя Ул. Караткевіча разам з вучнямі 1-2-х класаў ДУА "Сярэдняя школа №11 г. Віцебска" усклалі кветкі да мемарыяльнай дошкі праслаўленаму віцебляніну, Герою Савецкага Саюза, Ганароваму грамадзяніну г. Віцебска Леаніду Філіпенку, устаноўленай на доме (Маскоўскі праспект, 64), дзе размяшчаецца бібліятэка.

Дзяцей пазнаёмілі з успамінамі Леаніда Мікалаевіча і яго дачкі Святланы Гаранічавай. Яны даведаліся пра дзяцінства героя, пра яго слаўны баявы шлях: Леанід Філіпенка служыў у складзе паветрана-дэсантнай часці, быў намеснікам камандзіра штрафной роты, ваяваў з фашыстамі на перадавой Заходняга, Ленінградскага, Данскога, Сталінградскага, Цэнтральнага і трох Беларускіх франтоў.